今天來到銅鑼灣長者中心，第一次以培訓導師身份，為長者義工進行暖敷培訓。20位年過半百長者，又精靈又醒目，他們響往著接收新資訊，求知欲強又不時主動發問。真係活到老，學到老，人生下半場，也可輕鬆品味著學習的樂趣。
當中有一位86歲婆婆，完堂時主動走來向我們道謝，傾談之下，婆婆説起她只有1隻眼看見東西，另一隻是裝了假眼。無懼年齡及健康障礙，自己搭叮叮來到中心，跟隨中心姑娘去做義工，真係有心有力。
我對婆婆說：”婆婆你好利害，我好佩服你呀！”
婆婆親切微笑著說：”做得幾多就得幾多啦。”
剎那間，令我好感動。感受婆婆對生命的熱誠，認真充實的過每一天，80幾歲不一定要留在家中渡日，生命有限，但慈善是沒有時限。
正所為夕陽無限好，何懼近黃昏呢！
Comments