真心去做,別人是感受得到的


今天見證着當第一次參加六式手球活動的老友記,遇上第一次參加的義工。


在活動頭段用網球鬆膊時,老友記便不斷叫義工「大力啲啦!大力啲啦!」。義工一啲都冇俾佢影響,反而好細心好有耐性同佢解釋,「用個球唔需要太大力㗎,最主要慢慢鬆下,你放鬆啲,慢慢享受便可以!」


義工講完呢句說話之後,老友記真係一句野都唔講,我個心當時真的冷一冷,正準備緩和氣氛時,嗰位老友記突然好大聲咁話:「係喎,真係得喎,舒服過Osim !」滿心歡喜好似發現左新大陸咁,不段問「點解個網球咁神奇?」我便同佢講「機器係用盲力,但係我哋係耐心地慢慢細心咁幫你做,享受層次一定唔同喔。」


老友記到走時也不斷咁講「真係好好,真係好舒服,鬆咗好多!好多謝你哋!」

 

見到老友記嘅開心反應,好似個小朋友咁,我真的好開心。因為我知道所做嘅事情係切切實實咁幫到佢。除此之外,義工第一次參加,今天她的表現有賴領隊活動前細心、耐心的解釋,讓義工對所做的事情更有信心,更能輕鬆享受整個過程。


#義工服務 #開心 #義工點滴

 香港註冊慈善機構 ​IR No. 91/14103  |  Tel. 6702 0638  |  [email protected]